رئيس التحرير: عادل صبري 10:08 صباحاً | الأحد 23 سبتمبر 2018 م | 12 محرم 1440 هـ | الـقـاهـره 34° صافية صافية

نجل العريان: الرعاية الصحية في السجن قعر صفيحة زبالة

نجل العريان: الرعاية الصحية في السجن قعر صفيحة زبالة

الحياة السياسية

عصام العريان

نجل العريان: الرعاية الصحية في السجن قعر صفيحة زبالة

هبة أحمد 29 أبريل 2014 18:47

وصف إبراهيم العريان، نجل الدكتور عصام العريان نائب رئيس حزب الحرية والعدالة، ما يحدث في السجون بأنه سابقة لم تحدث في تاريخ مصر.

وقال نجل العريان، في تدوينة عبر حسابه على موقع التواصل الاجتماعي "فيس بوك": "اللى بيحصل فى السجون المصرية فى تلك الحقبة من الزمن لم يحدث مثله في تاريخ مصر المخروبة بيد العسكر".

وأضاف: "أنا كنت فى السجن النهاردة، طريقه معاملة الزوار وانتظارهم بالساعات ومنع الزيارة بدون تصريح، عشان تزور كل شهر مرة وبعدين تزور من ورا زجاج وبتكلم أخوك أو أبوك فى التليفون عشان تتسجل المكالمة وحاجات تانية كتير تقولك حجم الانتهاكات اللى بتحصل جوة".

وتابع: "الرعاية الصحية فى مصر صفيحة زبالة وجوة السجن قعر الصفيحة، تقريبًا مفيش حد جوة مش تعبان وعيان، اللى سنّه كبير واللى عنده أمراض مزمنة يجتمع عليه بلاء شديد جدًا السجن والمرض".

وأكمل نجل العريان: "أبويا جاله انزلاق غصروفي جوه السجن من شهر فات لسه لحد دلوقتى معملش أشعة عشان يطمن بس أى غضروف وفين بالظبط وعايش من ساعتها على مسكنات، أقصى أمانينا الآن إنه بس يدخل مستشفى السجن".

ودعا إلى المشاركة في انتفاضة السجون المصرية المقررة غدًا الأربعاء.

 

اقرأ أيضًا:

نجل العريان ساخرا: "أمي قلقانة" - مصر العربية

نجل "العريان": والدي في زنزانة انفرادية - مصر العربية

نجل العريان ساخرًا: "مش هاعرف أمول الإرهاب" - مصر العربية

انتفاضة السجون تهدد الداخلية وتفتح ملف الانتهاكات - مصر العربية

رابطة معتلقي طرة تعلن إضراب أعضائها غدًا - مصر العربية

  • تعليقات فيسبوك
  • اعلان