رئيس التحرير: عادل صبري 11:12 مساءً | الخميس 20 يونيو 2019 م | 16 شوال 1440 هـ | الـقـاهـره °

أكشن تاني مرة .. نجل مبارك يشن حربًا كلامية عن بُعد ضد «أديب»

أكشن تاني مرة .. نجل مبارك يشن حربًا كلامية عن بُعد ضد «أديب»

الحياة السياسية

علاء مبارك وعمرو أديب

أكشن تاني مرة .. نجل مبارك يشن حربًا كلامية عن بُعد ضد «أديب»

آيات قطامش 23 فبراير 2019 22:40

واصل علاء مبارك، نجل الرئيس المتنحي محمد حسني مبارك، هجومه على الإعلامي عمرو أديب، عبر تدوين تغريدات عدة  بحسابه على موقع التواصل الاجتماعي  "تويتر" . 

 

فبعد مرور  نحو 11 يومًا على الهجوم الأول، جدد  نجل مبارك  أمس الجمعة،  الهجوم  على "أديب"،  بنشر مقطع مصور عبر حسابه الشخصي على  موقع التدوينات «تويتر»، مصحوبًا بعبارة حادة موجهة لـ "أديب"  

 

""أن تُولد ذكراَ فهذا قَدَرُك .. أما أن تكون رجلاَ فهذا صنع يداك.."؛ بتلك الكلمات شن علاء مبارك هجومه الثاني على "أديب". 

 

الحرب الكلامية عن بعد  بدأها "علاء"  بنشر مقطع مصور في ذكرى التنحي يضم تصريحات لـ "أديب" يبرز من خلالها تناقض مواقفه تجاه استمرار "مبارك" في الحكم، وهو ما  أثار الكثير من الجدل عبر وسائل التواصل الاجتماعي. 

 

فبداية   القصة  كانت من  "تويتر"؛ حينما دون علاء مبارك عبر حسابه: 

بدون تعليق..وصاحب هاتان الكلمتان  المقطع المصور سالف الذكر، والذي نشره تزامنًا مع ذكرى التنحي.  

 

ولم يمر المقطع الذي تداوله الآلاف من رواد مواقع التواصل الاجتماعي، تلك الليلة مرور الكرام، وقرر "أديب" الرد، من خلال شن الحرب على "علاء" عبر برنامجه 

"الحكاية" الذي يقدمه على شاشة "إم بي سي مصر"، لمدة بلغت نحو 7 دقائق على الهواء، مطلقًا تحذيرات لـ "علاء" ومؤكدًا أن نظام مبارك انتهي، ومتسائلًا عن أموال سويسرا. 

 

 

حيث قال "أديب"  إنه من القليل أن يتحدث عن موضوع شخصي خاص به، مضيفًا :"اللي يقربلى هقربله، واللى هيهاجمنى ههاجمه، ولو أنا سايبك مبقربلكش مش معنى كده إنى خايف منك".

 

وتابع: "عمرى ما قربتلهم، مش مرجلة ولا فروسية، ولكن النهاردة قعدت أفكر كده لو مكنش مبارك مشى كان هيبقى الوقت إن جمال بيه يحكم وعلاء بيه يقبض".

 

وأضاف:"عمرى ما قربت لهم، قربت لهم وقت ما كانوا موجودين وقعدت فى البيت علشان قربت لجمال بيه، ومصر كلها عارفة الحكاية، والنهاردة فاجأة علاء بيه يوم تنحى الوالد اليوم الأسود فى حياته قال يهاجم عمرو أديب، وأخذ جملة من انترفيو، ما تجيب الانترفيو كله، قلت يا دكتور مينفعش جمال بيه يحكمنا، وإذا كان مبارك قائد تاريخى يكمل لكن محدش يجى بعده، يعنى اعملولنا تداول للسلطة، امال أنا قعدت فى البيت ليه".

 

واستكمل:"المصريين عندهم حاجة غريبة، علاء بيه لما يكتب يقولوله يا باشا، باشا مين، هو الراجل ده مش اللى انتوا نزلتوا وشيلتوه، انتوا ناسيين عمل ايه هو وعيلته، هو علاء بيه نسى، انت اللى فتحت الموضوع، إذا كنتوا نسيتوا اللى جرا هاتو الدفاتر تنقرا، مش هكلمك عن الـ 70 مليار، إنما مش على آخر الزمن واحد رد سجون هيعلّمنا الأدب".

 

ووجه أديب، تساؤلاً لـ "علاء مبارك" :"رد عليا.. الفلوس اللى فى سويسرا دى بتاعة مين؟الفلوس دى مثبتة من الحكومة المصرية والسويسرية.. جبت مئات الملايين دى منين؟ مفيش واحد فى مصر مكنش عارف انت بتشتغل فى ايه؟ هو علاء مبارك كان بيشتغل ايه؟.. انت اللى جبته لنفسك، عمرى ما قربت لكم".

 

وأردف أديب :"علاء بيه انتهى، لا انت ولا جمال بيه هترجعوا تانى، مش هتحكموا تانى، جايز ترجع تاخد فلوس سويسرا تانى؟ الفلوس دى منين يا علاء؟ خلّص نفسك بعدين دوّر عليا"، مضيفاً:"مين اللى ولع فى عربيتى يا علاء؟، ومين رمى عليا مية نار؟، المصريين عندهم زهايمر وفاجأة داخلين بيقولوله علاء بيه، اللى زيك برة مبيكونوش موجودين خلاص، انتو نظام وانتهى".

 

واستكمل: "أنا قاعد لك.. يا أنا يانت.. معنديش حاجة أخاف منها، لو انت مش عاجباك البلد اكتب قول.. هيجرالك ايه أكتر من اللى جرالك.. ماهو العيل السوء.."، مضيفاً:"هى مش مشكلة شخصية بس.. هو مين اللى كان فى الشارع يوم 25 يناير، انت يا علاء قلت لناس فى يناير جمال هيودينا فى داهية.. انت عارف اللى أنا بقوله صح.. وانت كنت عارف انكم رايحين فى داهية".

 

واختتم هجومه قائلًا:" أنا مش مجننى اللى كتبه علاء مبارك عنى.. اللى مجننى الناس اللى حواليه والمحبة.. أتحدى حد يقولى علاء كان بيشتغل ايه؟".

 

لم ينته الأمر عند هذا الحد، حيث استمر هجوم نجل مبارك من خلال رده على متابعيه بعد تغريدات،  حيث قال  "علاء" في أحد ردوده:  "هو الاستاذ عمرو مش فاهم حضرتك أنا لا اقصد أعلمه الأدب لا سمح الله، بحاول أعلمه وأفهمه معنى الرجولة".

 

 

 

  • تعليقات فيسبوك
  • اعلان