رئيس التحرير: عادل صبري 01:48 صباحاً | الأحد 18 نوفمبر 2018 م | 09 ربيع الأول 1440 هـ | الـقـاهـره 26° صافية صافية

الحسيني يهاجم الأجهزة التنفيذية بالجيزة : فيه ناس هتاخد كارت أحمر قريب

الحسيني يهاجم الأجهزة التنفيذية بالجيزة : فيه ناس هتاخد كارت أحمر قريب

الحياة السياسية

النائب محمد الحسيني

الحسيني يهاجم الأجهزة التنفيذية بالجيزة : فيه ناس هتاخد كارت أحمر قريب

محمود عبد القادر 02 مايو 2018 14:01

انتقد النائب محمد الحسينى، وكيل لجنة الإدارة المحلية بمجلس النواب،اليوم الأربعاء، أداء بعض الأجهزة التنفيذية فى الوحدات المحلية، وشن هجوما كبيرا ضد مديريات الطرق ووصفها بـ"الفاشلة".


وقال "الحسينى"، خلال اجتماع لجنة الإدارة المحلية بمجلس النواب،لمناقشة مشروع موازنة محافظة الجيزة وخطة التنمية الاقتصادية والاجتماعية للعام المالى 2018/2019: "عايزين نعرف مدينة الجيزة ايه المشروعات اللى عملتها، ومديرية الطرق الفاشلة فى 27 محافظة اللى محدش يعرف عنها حاجة ميزانيتها ايه، ومديرية الطرق فى الجيزة مشروعاتها ايه".


وتابع "الحسينى": "مشاكل الكهرباء والصرف والمياه والطرق وغيرها، كلها بتروح للنائب، ولازم الأجهزة التنفيذية تشتغل وتتفاعل مع مشاكل الناس، وترسل خطابات لمجلس النواب عن إجراءات حل هذه المشاكل، لازم نفلتر ونراقب صح، لإن بالشكل دا مفيش مراقبة، هنراقب ناس مش عارفة حاجة ولا أى أرقام".


وانتقد وكيل لجنة الإدارة المحلية، زيادة بند تعويضات العاملين فى الجهود غير العادية بموازنة محافظة الجيزة بمبلغ مليون جنيه عن السنة الماضية، قائلا: "تعويضات العاملين فى بند الجهود غير العادية زادت مليون جنيه، طيب انت عندك جهود أصلا، ازاى تزود مليون جنيه من قوت الشعب، وايه هى الجهود غير العادية، ايه بيطلع يشتغل فى الشمس يعنى، عايزين نمنع الأرقام الوهمية دى".

 

وتابع :"بقول للناس اعرفوا إن المسئول اللى جزمته متلمعة متخدش منه رجا، أنا هنحاسبك على أداء وبرامج، بعض المسئولين مش بيعملوا حاجة..وديتونا فى ستين داهية والمواطن مش لاقى حاجة، رئيس الجمهورية شغال نتعلم منه، ونخلى القوات المسلحة تشرف هى على المشروعات، إحنا بنتكلم فى مصير شعب، فيه 8 مليون مواطن فى الجيزة، وعايزين نساعد المحافظ والأجهزة التنفيذية يشتغلوا، فيه ناس بتشتغل بجد وفيه ناس هتاخد كارت أحمر قريب إن شاء الله".

  • تعليقات فيسبوك
  • اعلان