رئيس التحرير: عادل صبري 09:52 صباحاً | الخميس 19 يوليو 2018 م | 06 ذو القعدة 1439 هـ | الـقـاهـره 36° صافية صافية

فيديو.. "أم أشرف" لـ"السيسي": 90 مليون بيحبوك

في لقائها معه اليوم..

فيديو.. "أم أشرف" لـ"السيسي": 90 مليون بيحبوك

أحمد علاء 10 نوفمبر 2013 20:23

روت الحاجة عواطف، الشهيرة بـ "أم أشرف"، التي تعرضت لصفعة على وجهها أثناء محاكمة الرئيس المعزول، الدكتور محمد مرسي، خلال مداخلة هاتفية لفضائية "اليوم" تفاصيل لقائها اليوم بالفريق أول عبدالفتاح السيسي، وزير الدفاع والإنتاج الحربي.

 

 
قالت "أم أشرف" : "الأول ناس أخدوني بالعربية وبعد كده روحت عند حاجة اسمها وزارة الدفاع اللي احنا كنا طالعين عندها علشان خاطر مرسي يمشي ولما لقيت العربيات فخمة كده نزلت قلت يمكن سيادة "المشير" السيسي يعرفني فالسواق قالي لا خليكي هنا احنا هنوصلك لغاية هناك علشان إنتي ست الكل".
 


وأضافت : "قعدوني في أوضة لغاية ما جه سيادة أحمد بيه المتحدث بتاعه وراح مكلمني ورحت مكلماه قالي حقك علينا قولتله مفيش حق دي بلدي أنا مش رايحة علشان حاجة أنا رايحة علشان جيشي وشرطتي وبلدي وتراب بلدي وسيناء وقناة السويس والبلد كلها قعد معايا وقالي أنا السكرتير بتاع سيادة "المشير" وجه واحد تاني قالي أنا معاه برضه".


 
وتقول "أم أشرف" : "بعد كده بصيت لقيته دخل بسم الله ما شاء الله دخل وقالي أهلًا أهلًا يا ست أم المصريين قولتله الله يخلي حضرتك أنا كنت صايمة وعاوزة أقوم قالي لا لا لا خليكي يا أمي قاعدة وقولتله أنا هأقف لحضرتك قالي ليه مش شربتي الساقع قولتله أنا صايمة قالي كل سنة وإنتي طيبة قولتله وأنت بألف مليون وبصحة وبخير وسلامة".
 


وتضيف : "قالي يا أمي أنتي نورتي الدنيا كلها وحقك علينا قولتله لأ ده أنت التراب التي تحت الجزمة احنا نشيله على دماغنا قولتله يا سعادة البيه إن كان 2 مليون ولا حاجة عاملين نفسهم إن هم ولاد البلد بس إنت فيه 90 مليون بتحبك إنت وبتحب بلدها وشرطتها وجيشها واحنا بنحبكم كلكم قالي طيب بعد كده جه اسمه صدقي صبحي ومسكني قولتله ربنا يخليكم وينصركم ويكفيكم شر المرض ويجعلكم دايمًا لمصر إنتو ولاد مصر".


 
وتواصل : بيقولي إيه رأيك في البلد قولتله إن شاء الله البلد كده هي أم الدنيا وهتبقى أم الدنيا بحسكم إنتو وبشعبكم اللي بيحبكم إنتو والعرب منورة بيكم إنتو لكن الخاينين ملهمش مكان وسطينا احنا العرب وقولته هو إنت مش هتبقى رئيس الجمهورية قالي حاضر قولتله خليك إنت الزعيم والبطل إنت وجمال عبدالناصر وأنور السادات.


 
شاهد الفيديو :
 
http://www.youtube.com/watch?v=ub2P2S1-dvc

  • تعليقات فيسبوك
  • اعلان