رئيس التحرير: عادل صبري 11:09 مساءً | الثلاثاء 18 سبتمبر 2018 م | 07 محرم 1440 هـ | الـقـاهـره 36° صافية صافية

زوجة سبيع: نقيب الصحفيين يساند "الانقلاب"

زوجة سبيع: نقيب الصحفيين يساند "الانقلاب"

أحمد علاء 06 نوفمبر 2013 17:18

روت زوجة الكاتب الصحفي، أحمد سبيع، المستشار الإعلامي لحزب الحرية والعدالة، الذراع السياسية لجماعة الإخوان المسلمين، تفاصيل ما أسمته تعمد نقابة الصحفيين عدم مساندة زوجها الذي اعتقل بداعي رفضه لـ"الانقلاب العسكري"، حسب قولها.

 
بدأت تقول: "أحمد عضو بنقابة الصحفيين، وكان شغال في "آفاق عربية" قبل إغلاقها وبعد كده كان مدير تحرير إخوان أون لاين، ومراسل لقناة الأقصى بالقاهرة، ورغم ده كله إلا أن النقابة في الحالات دي تقف في موقف مضاد لصالح الانقلاب، وليس مجرد السكوت عن الدفاع عن الحقوق والحريات، ولكني توجهت لضياء رشوان مباشرة، وكلمته أكثر من مرة وكانت أول مرة بعد الاعتقال بساعة واحدة فقط".


 
وأضافت: "الأستاذ ضياء قالي احنا مش ساكتين واحنا بنتصرف من أول ما سمعنا مكالمتك على قناة الجزيرة، وكلمنا السلطات وعرفنا إن لو فيه أمر ضبط وإحضار يتعرض على النيابة، لكن إذا كان اعتقال سياسي هيخرج فورًا، قولتله طيب حضرتك هتتصرف إزاي، فقالي أنا بتابع مع السلطات الأمنية وإن شاء الله خير وهاطمنك، وقالي كلمي محامي النقابة علشان أتواصل معاه، ولما كلمته اتضح إنه مش عارف أي حاجة، ولما عرفته قالي أنا هجمع المعلومات وطلب مني أول ما أوصل لحاجة أكلمه".


 
وتابعت: "كلمته تاني يوم وقالي مش وصلت لأي حاجة، والغريبة إن هو اللي طلب مني معلومات وفي اليوم ده عرفت إن ممكن يكون أحمد موجود في نيابة أمن الدولة، فرحت هناك وعرفنا منهم إنه موجود في قسم مصر الجديدة، واتصلت بالنقابة أسأله عن أي معلومات قالي لا وبقيت أنا اللي بخبره بمستجدات الأخبار، وقولتله هتعمله إيه قالي مش هاتصرف غير بتعليمات من النقيب".
 


ورصدت: "اتصلت بعدها بالأستاذ ضياء وقولتله هو أنا هاتحايل عليكم علشان تساعدوا عضو في النقابة، قالي احنا بنلتزم بالقانون ومش بنتحرك غير في قضايا النشر، وأحمد واخد اتهام في قضية الحرس والجمهوري وقضية تعذيب في الاتحادية وقضية الحسيني أبو ضيف، فقولتله الكلام ده مش مظبوط، لأن النيابة موجهة له اتهام في أحداث الحرس، وهو أصلًا كان مريض في الفترة دي ومش كان بيتحرك".


 
شاهد جانبًا من رواية زوجة سبيع :
 
http://www.youtube.com/watch?v=p6TFn63dpb4

  • تعليقات فيسبوك
  • اعلان