رئيس التحرير: عادل صبري 01:03 مساءً | الاثنين 16 يوليو 2018 م | 03 ذو القعدة 1439 هـ | الـقـاهـره 36° صافية صافية

فيديو.. طفل شوارع لـ "الببلاوي": بأكل من زبالة كنتاكي

فيديو.. طفل شوارع لـ الببلاوي: بأكل من زبالة كنتاكي

الحياة السياسية

الدكتور حازم الببلاوي

فيديو.. طفل شوارع لـ "الببلاوي": بأكل من زبالة كنتاكي

أحمد علاء 31 أكتوبر 2013 17:40

رصدت فضائية "الجزيرة مباشر مصر" معاناة أطفال الشارع في مصر والتي قالت إنها تزايدت خلال الأشهر الأخيرة، وتعكس في طياتها فشل الحكومات المتعاقبة وصولًا لحكومة الدكتور حازم الببلاوي في حلها.

 

واستشهد التقرير بحالة طفل وجه كلامه لرئيس الوزراء قائلا: "ياريت الدولة تشوف لينا حل عشان أنا بضطر كتير أكل من زبالة محلات كنتاكي".

 

وبحسب التقرير، فإن الشوارع المصرية تعج بثلاثة ملايين طفل شوارع، ينشغلون بالبحث عن كسرة خبز تسد رمق جوع، تزامنًا مع تباين اتجاهات الشعب تجاه هؤلاء الأطفال، معتبرًا أن غياب مؤسسات الدولة أفقد الأطفال الانغماس داخل وطنهم وقضى على روح الانتماء.

 

ويقول أحد الأطفال: بصحى من النوم اغسل وشي وأفطر وأشرب السجائر واطلع الشغل من الساعة 7 الصبح لغاية العشاء وباخد خمسة جنيه في اليوم وأنا بمسح عربيات وفيه ناس بتقولي امشي يالا وناس تانية تديني نصف جنيه أو جنيه.

يضيف: "أوقات كتيرة مش بيكون معايا فلوس أكل بيها وفي الحالة دي بضطر أشحت من الناس أو أروح على كنتاكي وأكل من الزبالة ولو مش لقيت زبالة أكل من الجلد اللي بيكون مرمي جنب المحل، ونفسي الحكومة تشوف حل بدل العذاب ده".

 

أحد الشباب يرصد رؤيته للأزمة قائلا: الشحاتين زادوا في الفترة الأخيرة وعلى طول وأنت ماشي في أي حتة تلاقي كل شوية شحات ورغم إني مش عارف إزاي الحكومة ممكن تحل المشكلة بأي طريقة لكن لازم يكون فيه سرعة حل لأن الظاهرة دي تعكس فشل الدولة اقتصاديًا واجتماعيًا.

 

وتقول فتاة: أنا شايفة إن جزء منهم يمثل جناة وجزء منهم فعلًا مش محتاجين ويكونوا بيشتغلوا عند راجل كبير بيجمعوا فلوس من الناس وبعد كده ياخدوا أجرة أخر اليوم والدولة لازم تاخد رد فعل مناسب لحل فوري للأزمة.

شاهد الفيديو

http://www.youtube.com/watch?v=ZCPJY2ez-lU

  • تعليقات فيسبوك
  • اعلان