رئيس التحرير: عادل صبري 02:25 مساءً | الثلاثاء 11 ديسمبر 2018 م | 02 ربيع الثاني 1440 هـ | الـقـاهـره 22° غائم جزئياً غائم جزئياً

بالفيديو| تفاصيل قتل شاب بالمطرية على يد أمين شرطة

بالفيديو| تفاصيل قتل شاب بالمطرية على يد أمين شرطة

أخبار مصر

شهادة وفاة فتحي محمد شبانة الذي قتل على يد أمين شرطة بمنطقة المطرية في محافظة الدقهلية

بالفيديو| تفاصيل قتل شاب بالمطرية على يد أمين شرطة

هادير أشرف 13 مارس 2016 14:51

ثمانية أشهر من التخفي، والهروب، والاتهام بتعاطي المخدرات، وحيازة السلاح، ورغم حكم المحكمة ببرائته، إلا أن هذه اﻷشهر مضت بنهاية أكثر مأساوية بمقتل الشاب "فتحي أبو شامة" برصاص أمين شرطة قرر قتله لعجزه عن إثبات ادانته، بحسب رواية أسرة المجني عليه، استكمالاً لمسلسل تجاوزات جمهورية "الحواتم"، تجاه المواطنين.

محمد أبو شامة والد فتحي روى لـ"مصر العربية"، تفاصيل مقتل ابنه قائلاً: “ ابني اتظلم واتقتل، وأمين الشرطة ظلمه، والحكومة لفقتلوا قضية، علشان واحد من المطرية في الدقهلية اتقتل، واسم ابني جه في القضية، وكلمنا ظباط القسم واثبتنا ان ابني كان في اسكندرية، وقالولنا احنا عارفين انه برئ بس أهل الميت كتبه اسمه".

وتابع أبو شامة قائلاً: “ الحكومة أخدت ابني البيت ومكنش معاه حاجة، وعملوله قضية حيازة بندقة آلي و12 طلقة وبرشام وقضية تعاطي، وقالوا انهم اخدوه من القهوة، وصاحب القهوة نفى الكلام وابني أخد براءة، وطلع من السجن الظهر، والحكومة جت أخدته العصر من البيت تاني، فهرب من على السطوح".
 

وأوضح قائلاً: “ أنا نزلت للظابط قلتله ابني لسه خارج من عندكم يا باشا عايزين منه ايه تاني، قالي حصلت غلطة وعايزين نكمل اوراقه، ورئيس المباحث عايزه علشان يبعد عن أهل القتيل اللي كان متهم فيه، فقلتله أنا هاجي معاك يا باشا، فعد يضرب فيا من البيت لحد القسم، وفي المركز جابوا حبل وشنوني به لحد لما كنت هموت".
 

وتابع: “ ابنع اقعد هربان 8 شهور، والحكومة من 24 يوم عملتله كمين بينهم وبين البحر في منطقة المجاير، اللي فيها مايه من كل مكان، وابني نزل المايه علشان يهرب منهم وهما حوطوه، ولما ابني حاول يطلع في أمين شرطة اسمه على رماه بطوبة فخاف ونزل الماية تاني راح مهدده انه هيضربه بالنار، ابني قاله اضرب فضربه طللقتين موتوه في ساعتها".

 

شاهد الفيديو:

 

اقرأ أيضا:

  • تعليقات فيسبوك
  • اعلان