رئيس التحرير: عادل صبري 07:49 مساءً | الأحد 16 ديسمبر 2018 م | 07 ربيع الثاني 1440 هـ | الـقـاهـره 22° غائم جزئياً غائم جزئياً

الاعتداء على الصحفي أحمد جمال زيادة بـ"مطواة وآلي"

الاعتداء على الصحفي أحمد جمال زيادة بـمطواة وآلي

أخبار مصر

أحمد جمال زيادة بعد الاعتداء عليه

الاعتداء على الصحفي أحمد جمال زيادة بـ"مطواة وآلي"

هادير أشرف 26 ديسمبر 2015 09:21

اعتدى مجهولان على المصور والكاتب الصحفي أحمد جمال زيادة، مساء أمس أمام محطة مترو جامعة القاهرة، وقاموا بطعنه في صدره بمطواة، بعد فشلهم في إطلاق النار عليه.

ونشر أصدقاء "زيادة" تفاصيل واقعة الاعتداء عليه، بالقول: "أحمد كان راجع من وسط البلد وكان بيعدي سلم مترو جامعة القاهرة لاحظ اتنين واقفين في منتصف الكوبرى واحد لابس جلبية والتانى نحيل ولابس تي شيرت وبنطلون وجاكت، أول ما قرب منهم واحد خرج بندقية آلي ووجها ناحية أحمد وهوا بيشد الأجزاء أحمد مسك ماسورة البندقية ووجهها بعيدًا عنه، البلطجي التانى بدأ يطعن أحمد بمطواة عدة طعنات واحدة في الظهر من الجانب الشمال والتانية في الفخد الشمال والتالتة في إيده اليمين إلّى ماسك بيها البندقية كل ده في محاولات إنه يسيب البندقية". 


وأضاف أصدقاؤه: "سقط أحمد على الأرض وبدأ يصدر منه حشرجة نتيجة ضربة المطوة اللي في الظهر واللي أصابته بجرح غائر قريب من القلب وغاب عن الوعي، سابوه البلطجية، وهربوا ظنا إنه مات كل ده على مرأى ومسمع من الناس كلها والجميع متفرج!".


وتابعوا: "أحمد متأكد إن ديه محاولة اغتيال مش سرقة بسبب إن ماحدش حاول يسرق ولا الموبايل ولا الفلوس وإن حاجته كلها معاه كاملة، تاني حاجة إنه عدى من جنب الاتنين البلطجية ناس كتير وهما متعرضوش لحد وكانوا بيبصوا عليه منتظرين يقرب ليهم، آخر حاجة إن مفيش حد بيسرق محفظة أو موبايل ببندقية آلي".



اقرأ أيضا:

  • تعليقات فيسبوك
  • اعلان