رئيس التحرير: عادل صبري 08:32 مساءً | الثلاثاء 16 أكتوبر 2018 م | 05 صفر 1440 هـ | الـقـاهـره 28° صافية صافية

بالفيديو| مزارع بالإسماعيلية: هاتولنا عربيات تنقلنا واحنا نروح ننتخب

بالفيديو| مزارع بالإسماعيلية: هاتولنا عربيات تنقلنا واحنا نروح ننتخب

أخبار مصر

إقبال ضعيف على اللجان الانتخابية بالإسماعيلية

عزوف في جولة الإعادة بالمحافظة

بالفيديو| مزارع بالإسماعيلية: هاتولنا عربيات تنقلنا واحنا نروح ننتخب

ولاء وحيد 01 ديسمبر 2015 14:02

"هو في انتخابات النهاردة ؟.. محدش قالنا" معناش فلوس،.. هاتولنا عربيات واحنا نروح ننتخب".. كلمات رددها عدد من أهالي محافظة الإسماعيلية، تعكس معها حالة خلو اللجان الانتخابية في الدائرة الثالثة التي تضم مراكز الإسماعيلية وفايد وأبوصوير، في أول أيام جولة الإعادة للمرحلة الثانية من انتخابات مجلس النواب.

 

سيطر الهدوء على اللجان الانتخابية في قرية نفيشة التابعة لمركز الإسماعيلية في نطاق الدائرة الثالثة، فيما بدت حركة البيع والشراء في سوق القرية الذي ينعقد يوم –الثلاثاء من كل أسبوع  مزدحمًا بالباعة والأهالي .

 

الحاج إبراهيم شعلان،  مزارع 62 سنة، قال لـ "مصر العربية":  "هو فيه إنتخابات ..إحنا منعرفش .. محدش جاب لنا أتوبيسات تاخدنا زي المرة اللي فاتت.. لو حد جه إحنا هنروح ..الفلاح غلبان مش معاه حق مواصلة للجنة الانتخابات.

 

وقالت الحاجة عفاف شعبان 62  سنة:  "انا هنزل انتخب في المدرسة اللي جمب البيت .هنتخب اللي موجود وخلاص ..هنتخب الحاج عطية خشانة – مرشح خسر من الجولة الأولى –  بيقوله عليه انه كويس وهيشغل عيالنا  ".

 

وقالت وداد السيد 36 سنة عاملة زراعية من عزبة المنايف التابعة لمركز أبوصوير " أنا لا رايحة ولا جاية .انا معرفتش ان فيه انتخابات غير من عيالي عشان خدوا النهاردة أجازة من المدرسة.

 

وأضافت: "مش هسيب لقمة عيشي وأضيع عليا اليومية عشان أروح أجيب ناس في الآخر محدش بيشوف وشهم ".

 

وقال الحاج سعيد على جسن 66 سنة  من قرية نفيشة "انا مش رايح انتخابات ..لا حد بيعمل لنا حاجة ولا حد هيعمل لنا حاجة... أنا نزلت حميت قسم الشرطة بنفسي لما كان هيتحرق من البلطجية ومن يومين الداخلية قتلت الدكتور ابن جيرانا وهو في الصيدلية ..أنا فقدت الأمل إن البلد دي تتغير ".

 

وقالت منى أحمد 33 سنة ربة منزل من قرية نفيشة: "إحنا هنروح ننتخب ليه .. محدش بيعمل لنا حاجة ..في الجولة الأولى واحد مرشح جه خد جوزي واخواته وروحنا انتخبناه وبعدين سقط واحنا مش بنشوف وشهم غير في الانتخابات بس ".

 

شاهد الفيديو:

اقرأ أيضًا:

  • تعليقات فيسبوك
  • اعلان