رئيس التحرير: عادل صبري 11:34 مساءً | الأحد 09 ديسمبر 2018 م | 30 ربيع الأول 1440 هـ | الـقـاهـره 20° صافية صافية

أصحاب الحناطير بسوهاج: يخرب بيت التوك توك

 أصحاب الحناطير بسوهاج: يخرب بيت التوك توك

أخبار مصر

الحنطور

بالصور

أصحاب الحناطير بسوهاج: يخرب بيت التوك توك

رضوان الشريف 06 أكتوبر 2014 10:45

بين القديم والحديث تتغير أشياء، وتسقط من الذاكرة ومن الواقع أخرى، وقد يأتي ذلك بالسلب على بعض الفئات وبعض الحرف.

"الحنطور" كان أهم وسائل النقل الداخلي في محافظة سوهاج، شأنها شأن معظم محافظات مصر، كما كان وسيلة مواصلات"رومانسية" يستخدمها "العشاق"، لكن التاكسي والتوك توك حلا محله الآن لتنزوي العربة والحصان بعيدا ويقتصر استخدامها على التنزه في المناسبات فقط ولدقائق قليلة مقابل بضعة جنيهات.

يقول أحمد دكرونى، عربجى حنطور: "أنا ليا 50 سنة عربجى حنطور ومليش مهنة ولا شغلة غيرها وعندى أسرة كبيرة واليومين دول الحال واقف يعنى ممكن أعمل بـ 15 جنيه أو 20، والحصان لوحده بياكل بـ 40 جنية فى اليوم، يعنى أنا بوكل الحصان، والعيال وامهم بيقعدوا بالجوع، ولازم المسئولين يتدخلوا ويعملوا لينا نقابة أو معاش.. الله يخرب بيت التوك توك".

ويضيف زميله عليش حمدان: "العيشة بقت زى الزفت.. عندى 7 عيال وأمهم ومليش دخل غير الشغلانة دى، وطبخة العدس أو البصارة بتتكلف 20 جنيه، وكيلو اللحمة بـ 70 جنيه وانا بشتغل طول اليوم ولا قادر اوكل العيال ولا الحصان والمسئولين فى الطناش لما العيال والحصان قربوا يموتوا".

ويقول على مهدى، موظف: إن "الحنطور" كان هو الاساس قديما، أما الآن فالناس يفضلون استخدام "التوك توك" لأنه أسرع وافضل في المشاوير الصغيرة.

ويضيف محمد ورد، محاسب، أن "الحنطور راحت عليه"، وكنا بنركبه ساعة العصرية على الكورنيش للتنزه، وكمان فى الصباح الباكر، أما الآن فلا يوجد وقت لدينا وحتى لم يعد يوجد مكان له بالكورنيش.


 

 

اقرأ أيضا:

  • تعليقات فيسبوك
  • اعلان