رئيس التحرير: عادل صبري 12:48 صباحاً | الأحد 16 ديسمبر 2018 م | 07 ربيع الثاني 1440 هـ | الـقـاهـره 22° غائم جزئياً غائم جزئياً

بالفيديو..الشارع رداً على تصريح محلب بحل أزمة الكهرباء: هم دول حاسين بينا

بالفيديو..الشارع رداً على تصريح محلب بحل أزمة الكهرباء: هم دول حاسين بينا

أخبار مصر

صورة لمواطن

بالفيديو..الشارع رداً على تصريح محلب بحل أزمة الكهرباء: هم دول حاسين بينا

أسماء أبو بكر 11 سبتمبر 2014 16:12

"انتهت أيه؟! ..إحنا معرفناش نتفرج على الماتش إمبارح"، "هو اللي انا عايز اعرفه هل فعلاً المسؤولين دول حاسين بينا؟ وبمعانتنا؟ وهل الكهرباء بتقطع عندهم زي عندنا؟" كانت هذه الكلمات بعض من ردود الفعل، من قبل المواطنين، على تصريحات المهندس إبراهيم محلب رئيس الوزراء التي أدلى بها لـ"مصر العربية"، وأكد فيها أن أزمة الكهرباء انتهت تمامًا.  

وقال المهندس إبراهيم محلب رئيس الوزراء في تصريحات لـ"مصر العربية"، في وقت سابق اليوم، إن أزمة انقطاع الكهرباء تم القضاء عليها تماماً، مضيفًا أن الفترة المقبلة ستشهد استثمارات كبيرة في الطاقة والبترول، وستبذل الحكومة أقصى الجهد لتوفير الطاقة بالشكل الكافي.


 

أما المواطنون فكان لهم رأيًا أخر، "محمود علام" تسائل:"أنتهت أيه؟ .. إحنا معرفناش نتفرج علي الماتش إمبارح .. يعني حتي الحاجة اللي بنفرج فيها همنا وغيظنا مش عارفين نستمتع بيها .. مصر كانت بتلعب مع تونس إمبارح .. وبعد ما اتجمعنا قدام التلفزيون الكهرباء قطعت وإحنا بنشوفه."


 

وتابع علام متسائلاً عما إذا كان هؤلاء المسؤولين يعانون من نفس المشكلة التي يعاني منها الشعب، أم هم يعيشون في عالمهم الخاص بهم :"هو اللي أنا عايز اعرفه هل فعلاً المسؤولين دول حاسين بينا وبمعانتنا؟ .. وهل الكهرباء بتقطع عندهم زي عندنا؟"

بينما تحدث "محمد"  بلهجة غضب "إتحلت إزاي إحنا كل يوم  اﻷكل بيبوظ بسبب إن الكهرباء بتقطع .. وبنرميه وبنضطر دلوقتي نشتري اﻷكل يوم بيومه عشان مفيش تلاجة شغالة.

وأضاف: "هم بيضحكوا علينا وﻻ على نفسهم .. اﻷزمة موجودة ومفيش حاجة أتحلت."


 

ووصف "جمال محمود "هذا التصريح بـ"السياسي"، وغير مرتبط بالواقع فيقول: "هذا التصريح من رئيس الوزراء تصريح سياسي بالمقام اﻷول؛ لتهدئة الشعب وإشعارهم بأن اﻷزمة انتهت، لكن على أرض الواقع ليس له علاقة بالواقع، فعلى سبيل المثال أنا لسه الكهرباء كانت قاطعة عندي من ربع ساعة فأظن دا أكبر رد علي كلامه."


 

وفي نفس السياق أكد "ممدوح جمال"، أن اﻷزمة لم تنتهي كما يقول رئيس الوزراء، لكن هناك بعض التحسن الملحوظ "اﻷزمة لسه موجودة لكن الوضع اتحسن شوية عن اﻷول وفي بعض التغيير .. لكن اﻷزمة لسه موجودة .. وهذا النوع من التصريحات من الممكن أن يعطي إيحاء بإن الوضع علي أفضل ما يكون."


 

وتابع:"المفترض أن تكون التصريحات تفيد بأن هناك وسائل لحل اﻷزمة، بشكل فعلي والبحث عن حلول فعلية، وليست مجرد تصريحات."


 

وأتفق معة في الرأي فتحي السيد الذي قال:"في تحسن ملحوظ في انقطاع الكهرباء .. بدل ما كانت بتقطع 6 مرات في اليوم حالياً بتقطع مرتين و إحنا بنحمد ربنا بس يارب تستمر علي كده."

 

شاهد الفيديو:

http://www.youtube.com/watch?v=4vTmxSR6iAU


 

إقرأ أيضاً:

  • تعليقات فيسبوك
  • اعلان