رئيس التحرير: عادل صبري 05:41 مساءً | الثلاثاء 20 نوفمبر 2018 م | 11 ربيع الأول 1440 هـ | الـقـاهـره 28° صافية صافية

بالفيديو.. بائع متجول: الشرطة بتلمنا عشان تاخد ع الراس 100 جنيه

بالفيديو.. بائع متجول: الشرطة بتلمنا عشان تاخد ع الراس 100 جنيه

أسماء أبوبكر 25 أغسطس 2014 14:12

"الحكومة بتلمنا عشان ندفع رشوة ونخرج".. بهذه الكلمات عبر "محمود"، أحد الباعة الجائلين بميدان الجيزة عن ملخص المشهد من وجهة نظره، لـ"مصر العربية"، مؤكدا أن السلطات تقوم بالتضييق عليهم من أجل ابتزازهم ماليا.

بدأ "محمود" يسرد قصته قائلاً: "أنا هنا من سنة 76 وعندي ست بنات بصرف عليهم من الفرشة اللي قاعد عليها دي".

واستطرد: "الحكومة الظالمة مبتجيش غير ع الغلبان واللي مالوش ضهر زيي.. أنا بقالي هنا أكتر من 30 سنة لا عطلت طريق ولا حد اشتكى مني، ومشكلتي بتتكرر مع كل حكومة من ساعتها.. كل حكومة تيجي أسهل قرار عندها هو بهدلة الباعة الجائلين.. مفكروش مصيرنا هيبقى إيه؟".

وكشف محمود عن الطريقة التي يتم التعامل بها مع الباعة الجائلين من قبل رجال اﻷمن، فقال: "بتنزل البلدية والشرطة كل فترة وبياخدوا مننا البضاعة وياخدونا احنا في الحجز، وعشان انا راجل كبير ومبستحملش أبات في الحجز بضطر أدفع رشوة 300 جنيه في القسم عشان اخرج".

وتابع: "مش انا لوحدي اللي بيتعمل معايا كده.. كل البياعين اللي هنا بيتم معاهم نفس التصرف، وبيتحاسبوا ع الراس 100 جنيه، يعني الواحد بيدفع 100 جنيه عشان يضمن أنهم يخرجوا، ونفس الحكاية بتكرر من وقت للتاني، واحنا بندفع ونخرج".

شاهد الفيديو

 

اقرأ أيضا:

بالفيديو .. بائع متجول "هفجر البلد بعد قطع عيشي"

فيديو.. باعة بوسط البلد يرفضون نقلهم للترجمان

 

  • تعليقات فيسبوك
  • اعلان