رئيس التحرير: عادل صبري 01:34 صباحاً | الاثنين 19 نوفمبر 2018 م | 10 ربيع الأول 1440 هـ | الـقـاهـره 26° صافية صافية

بالفيديو..وظائف قناة السويس.. شباب: مفيش أمان.. وآخرون: مش وحشة

بالفيديو..وظائف قناة السويس.. شباب: مفيش أمان.. وآخرون: مش وحشة

أخبار مصر

صورة أرشيفية لمشروع قناة السويس

بالفيديو..وظائف قناة السويس.. شباب: مفيش أمان.. وآخرون: مش وحشة

نورا ناصر 23 أغسطس 2014 16:40

عبر عدد من الشباب عن تشككهم في إعلان وزارة القوى العاملة عن توفير مليون فرصة عمل في مشروع قناة السويس الجديدة، من حيث عدم توفير اﻻستقرار والأمان اللازمين في أي عمل، بالإضافة إلى العائد الجيد، فيما أكد البعض الآخر أن هذا المشروع سيقدم الخير والنفع للشباب.

 

كانت وزارة القوى العاملة قد أعلنت عن توفير مليون فرصة عمل في المشروع الجديد للشباب.

 

وقال أدهم محمود (30 عاما): "والله هي لو كويسة الناس كلها هتروح تقدم في الوظائف، وأنا معنديش مشكلة أروح أخدم بلدي بس تكون وظيفة كويسة ومرتب محترم علشان أعرف أفتح بيت، بس أنا مش مطمن للمشروع نفسه، بمعنى إنه هتكون في أولويات لناس معينة".

 

أما إسلام عليوة فقال: "هو مشروع ناجح وكويس وهينفع البلد كلها.. بس ربنا يكرم وتكون كلها ماشية بما يرضي الله.. المشكلة مش أنا أروح أو غيرى يروح، هما لو يفتحوا مجالات وفرص كتير الشباب كلها هتروح لأنها أرضنا وبلدنا بس يختاروا بما يرضي الله مفيش أمل.. كل الوظائف لازم الرشوة والوساطة علشان نشتغل، البلد كلها ماشية كدا عمرها ما هتتغير.. إيه الجديد".

 

وقال محمد مصطفى: "مستقبل كويس لمصر وللشباب بس يا ريت المشاريع تكون فعلية وبها جدية إحنا بنتمنى الخير لمصر.. إحنا بنأمل إن ميكونشي فيها وساطة ومحسوبية.. وإن الشاب الذى يستحق هو اللى يشتغل.. فى شباب كتير قاعدة ومش بتشتغل.. أنا ممكن أروح وهى محاولة كويس ومش وحشة طالما فى فرصة كويسة والدولة بتدعمها.. أروح وأشوف مستقبلى ومستقبل إخواتى وأولادى فى المستقبل.. بس لابد أن تكفل الدولة الأمان للشاب طالما هيقدم منفعة والأمان هو إن يعمل بعقد".

 

ومن ناحية أخرى، قال مصطفى غريب: "أنا عندى 23 سنة لسه متخرج ومعنديش شغل وعايز أشتغل.. وبالنسبة للوظائف بتاعت مشروع قناة السويس أنا مابصدقشي كلمة للحكومة مبتقولشي كلمة وبتوفى بيها.. كان فى وظائف قبل كدا وقدمنا ومشتغالناش.. أنا أصلا مش منتظر منهم حاجة هدور بقى على أى شغل، أشتغل سواق ميكروباص ولا حاجة".


وأضاف على أشرف أحد الشباب (26 عاما): "هو أنا ممكن أروح لكن ممكن ملاقيش شغل أصلا أو إنى أشتغل وبمجرد مالمشروع يخلص يقولولى مع السلامة.. وعلشان أروح لازم أشعر بالأمان يكون ليا مرتب ثابت وتأمينات اجتماعية.. علشان لو حصلى حاجة، المعروف أن جهاز الدولة لما بيعلن عن وظائف بتكون فى الأساس لأبناء العاملين والوساطة والمحسوبية".

 

وعلق منير سيد (22 عاما): "أنا شايف إنها فرصة عمل كويسة لناس عايز تشتغل لمدة معينة.. لأنها مش وظيفة دائمة.. دا مشروع أول ما يخلص هيقولولنا مع السلامة.. أنا مقدرشي أروح لأنها بعيدة عنى لكنها فرصة كويسة للمقيمين بالقرب منها مثل أهل السويس".

اقرأ أيضا:

الرئاسة تقنن الزيارة لموقع مشروع حفر القناة الجديدة

الإسناد بالأمر المباشر يهدد مشروع قناة السويس الجديدة

مصرفيون: البنوك ستتجه للتوسع فى افتتاح فروع جديدة بمدن القناة

فيديو.. أوائل الثانوية يزورون قناة السويس الجديدة

فنانون يشاركون فى أول حفل من مهرجان قناة السويس الجديدة

بالصور.. وزير التعليم يلتقي الأوائل قبل زيارتهم قناة السويس

مؤيدو شهادات استثمار قناة السويس: كله عشان مصر.. وآخرون : الضمانات أولا

مميش: مشروعات قناة السويس ستجعل مصر قبلة الاقتصاد العالمي


 

  • تعليقات فيسبوك
  • اعلان