رئيس التحرير: عادل صبري 12:45 صباحاً | الجمعة 14 ديسمبر 2018 م | 05 ربيع الثاني 1440 هـ | الـقـاهـره 22° غائم جزئياً غائم جزئياً

بالفيديو..مواطنون للحكومة: شوفوا مين اللي هيدفع الفواتير

بالفيديو..مواطنون للحكومة: شوفوا مين اللي هيدفع الفواتير

أخبار مصر

صورة ارشيفية اثناء انقطاع الكهرباء

لتكرار انقطاع الكهرباء..

بالفيديو..مواطنون للحكومة: شوفوا مين اللي هيدفع الفواتير

كتبت : نورا ناصر 20 أغسطس 2014 16:08

في ظل تصاعد الدعوات المتصاعدة من بعض الائتلافات والحملات، مثل "ائتلاف معدومي الدخل والعاطلين"، وحملة "مش دافعين" على فيس بوك، المطالبة بامتناع المواطنين عن دفع فواتير الكهرباء احتجاجًا على انقطاعها بشكل متتال، بات يصل لـ8 مرات يومياً في بعض من المناطق ، رصدت "مصر العربية" استجابة كبيرة من قبل المواطنين لهذه الدعوات كخطوة تصعيدية للضغط على الحكومة المصرية لسرعة حل الأزمة.

 

في البداية، قال محمد حنفي أحد المواطنين: "احنا مش هندفع فواتير الكهرباء خالص، لأننا مش مستفيدين من الكهرباء ومصالحنا وأشغالنا اتأثرت بشكل كبير بسبب انقطاع التيار الكهربائى، فين المنفعة اللى احنا بنحصل عليها علشان ندفع فواتير الكهرباء، لما تتوافر الكهرباء بشكل مستمر ساعتها نبقى ندفع الفواتير، محدش يقبل اللي احنا فيه".

 

وأضافت هوايدا حسين موظفة بمصلحة الضرائب: "المفروض محدش يدفع فواتير الكهرباء بسبب الغلاء اللى احنا فيه وقطع النور والمياه المستمر اللي بهدلنا".

 

وتابعت: "المفروض كل الناس تتكاتف مع بعضها وتبطل تدفع الفواتير لحد ما يتعدل النور والحال يتصلح"، موضحة أنها تقطن في القاهرة الجديدة، وتعاني انقطاع التيار الكهربائي 3 مرات يومياً.

 

من جهته، قال محمد إسماعيل صاحب صالون حلاقة: "مش مقبول إن الكهرباء تقطع أكثر من ساعة في اليوم، أنا ساكن في دار السلام والكهرباء بتقطع 7 و8 مرات في اليوم علشان كده مش هدفع فاتورة الكهرباء".

 

وبيّن إسماعيل، أن الكهرباء اترفع سعرها رغم كثرة انقطاعها وقلة الانتفاع منها.

 

بدوره، قال مجدي محمود: "احنا غصب عننا بندفع الفواتير وكمان بندفعها غالية لا تتناسب مع انقطاع التيار الكهربائى المتواصل"، متهمًا شركة الكهرباء بسرقة المواطنين واستنزافهم.

وأردف محمود: "المشكلة إننا لو مدفعناش هينزلنا موظفين من شركة الكهرباء يهددونا بقطع الكهرباء فهندفع غصب عننا".

 

وقال علي مصطفى، بائع جرائد بالشارع: "مش هدفع طبعًا فاتورة الكهرباء لأني ما بستهلكش أصلاً اللي بدفعه في الفاتورة، لأن النور بيقطع كل شوية".

وطالب الحكومة قبل مطالبتها المواطنين بسداد الفواتير، بتقديم خدمة جيدة تستحق الدفع وبذلك تحصل الدولة على حقها وفي المقابل يأخذ المواطن حقه.

 

وأخيرًا قال عبدالعال مجاهد، صاحب بقالة: "أنا مش هدفع فاتورة الكهرباء لا الشهر دا ولا الشهر اللى بعده لحد ما تيجى الكهرباء، لأنها بتقطع 6 ساعات في اليوم، أنا بدفع ضرائب وتأمينات وفواتير كهربا وميّه ونور".

واختتم مجاهد: "لما النور بيقطع مش بلاقي زبون واحد فهدفع فاتورة ليه"؟

 

شاهد الفيديو:

 

5 أسباب وراء أزمة الانقطاع المتكرر للكهرباء

  • تعليقات فيسبوك
  • اعلان