رئيس التحرير: عادل صبري 01:03 صباحاً | الأربعاء 24 أكتوبر 2018 م | 13 صفر 1440 هـ | الـقـاهـره 33° صافية صافية

مواطنو سوهاج: "الدول طلعت القمر واحنا مش لاقيين كهربا ولا ميه"

مواطنو سوهاج: الدول طلعت القمر واحنا مش لاقيين كهربا ولا ميه

أخبار مصر

انقطاع الكهرباء - عرض مستمر

الانقطاعات وصلت إلى 10 ساعات والمصالح الحكومية متوقفة

مواطنو سوهاج: "الدول طلعت القمر واحنا مش لاقيين كهربا ولا ميه"

رضوان الشريف 20 أغسطس 2014 06:59

باتت الحياة مرتبكة في سوهاج هذه الأيام، وسيطرت حالة من الغضب والسخط العام على المواطنين في محافظة سوهاج، نتيجة تزايد فترات انقطاع التيار الكهربائي ووصولها إلى 7 مرات يوميًا في بعض الأماكن داخل المدن، بينما بلغت 10 ساعات في القرى يوميًا.

وتكدس كبار السن والأرامل والعجائز أمام مكاتب البريد التي توقفت أجهزة الكمبيوتر والصراف الآلي بها بسبب انقطاع الكهرباء، كما تعطل عدد من محطات رفع المياه بسبب تكرار انقطاع التيار عنها، مما دفع المواطنين للخروج ليلا لتخزين المياه.

وتجمهر العشرات من المواطنين، أمس، أمام شركة الكهرباء، مهددين بعدم دفع فواتير الكهرباء، في حال استمر انقطاع التيار بهذه الصورة.

يقول السيد مرعى، عامل: "يعنى وبعدين نعمل إيه؟ الكهربا بتقطع كل يوم ورضينا، لكن تقطع كل ساعة شوية فده اللي مينفعش.. الأجهزة اتحرقت واحنا مش عارفين نشتغل ولا نعمل أي حاجة وزهقنا من العيشة ومفيش حكومة بتخطط صح والبلد خربت".

ويضيف عصام مصطفى، محاسب: "مش عارفين نعيش.. النهار زي الليل، ولا بنعرف نشغل مروحة ولا تكييف ولا لإضاءة وبعدين يقولك استحملوا.. يا عالم الدول طلعت القمر والفضا واحنا مش لاقيين الكهربا ولا الميه؟!".

ومن أمام مكتب البريد المتوقف يصرخ عباس زيدان، فلاح: "ياناس حرام عليكم مفروض أي مؤسسة حكومية زي البريد أو المستشفيات يبقى فيها مولدات كهربا علشان نعرف نقضى مصالحنا.. إحنا حالنا وقف لا عارفين نزرع ولا نرفع يعنى بيوتنا خربت".


 

اقرأ أيضا:

  • تعليقات فيسبوك
  • اعلان