رئيس التحرير: عادل صبري 04:20 صباحاً | الأربعاء 14 نوفمبر 2018 م | 05 ربيع الأول 1440 هـ | الـقـاهـره 26° صافية صافية

فيديو.. باعة بوسط البلد يرفضون نقلهم للترجمان

فيديو.. باعة بوسط البلد يرفضون نقلهم للترجمان

أخبار مصر

احد الباعة الجائلين

بدعوة انتشار المخدرات والسرقات..

فيديو.. باعة بوسط البلد يرفضون نقلهم للترجمان

منار عاطف 04 أغسطس 2014 19:11

رفض باعة جائلون، قرار الحكومة بنقلهم إلى سوق الترجمان، بسبب بعد السوق عن المستهلك، بالإضافة إلى انتشار تجارة المخدرات بمنطقة الترجمان، وانتشار السرقات.

مصطفى السيد، أحد الباعة الجائلين بوسط البلد، قال إنهم طالبوا لأكثر من مرة، بأن يتم توفير مكان لهم، ولكن دون أي استجابة من المسئولين.. "كل اللي بتعملوا الداخلية.. تقولنا اطلعوا على الرصيف.. ومعنى إننا نطلع فوق الرصيف يعنى هنعمل مشكلة مع أصحاب المحلات.. وبصراحة كتر خير أصحاب المحلات إنهم مستحملين البضاعة بتاعتنا قدام محلاتهم".

 

وأكد أن مسألة نقلهم غير مجدية بسبب التكالب على الأماكن هناك، "حتى لو نقلتنا الحكومة.. البائعين هياكلوا في بعض.. وهيعملوا مشاكل هناك بسبب ضيق المكان.. ولازم الحكومة تعمل خطة مدروسة.. عشان تتجنب المشاكل.. ومكان يبقى واسع ويبقى سوق تجارى يضم كل البائعين.. ويفيد البلد وهيفيد الناس".

 

كما علق سيد حسن، بائع، قائلاً: "إزاى نروح مكان منعرفش فيه حاجة.. ودا تصرف غلط من الحكومة.. هناكل عيش إزاي.. واحنا مش موافقين على القرار.. هناكل عيالنا منين وكل واحد من الباعة فاتح بيت واتنين هنجيب منين".

 

"سوق الترجمان دا حي شعبي ونص الحي بائعين مخدرات، لأنها في الأصل منطقة عشوائية وحتى الآن منطقة عشوائية ومينفعش الحكومة، تعمل مول تجاري في منطقة زي دي"، هكذا بدأ طه أحمد تعليقه على نقلهم إلى سوق الترجمان.

 

واقترح خليفة إنشاء أكشاك ومحلات تحت الكباري يكون إيجارها من 500 جنيه إلى 1000 جنيه، مضيفًا: "بدل ما بندفع للشارع ندفع للحي أو المحافظة.. على الأقل المستهلك لما ييجي في مكان نضيف هييجي المرة التانية.. لكن لو جه في مكان عشوائي مش هييجي تاني".

اقرأ ايضا:

 

  • تعليقات فيسبوك
  • اعلان