رئيس التحرير: عادل صبري 03:09 صباحاً | السبت 22 سبتمبر 2018 م | 11 محرم 1440 هـ | الـقـاهـره 34° صافية صافية

بالفيديو..مواطنون: لم نشاهد أفلام العيد خوفًا على أولادنا

بالفيديو..مواطنون: لم نشاهد أفلام العيد خوفًا على أولادنا

أخبار مصر

احد المواطنين

بالفيديو..مواطنون: لم نشاهد أفلام العيد خوفًا على أولادنا

منارعاطف 01 أغسطس 2014 16:45

أعرب مواطنون عن رفضهم دخول دور السينما في موسم العيد هذا العام، وذلك بسبب انتشار العبارات الخادشة للحياء، والألفاظ والإيحاءات التي توجد بالأفلام، فيما قرر البعض الآخر حضور أفلام اطلعوا على روايتها من قبل، من بينها فيلم "الفيل الأزرق"، لضمانهم عدم وجود مشاهد خارجة.

 

عادل محمود (مواطن) يقول: “الأفلام التي تعرض كلها مشاهد وتعبيرات خادشة للحياء، وقصص غير هادفة، لو عايزين يعملوا سينما نظيفة هيكسبوا برده، ياريت يتعلموا من الأفلام القديمة.”

 

وأضاف: "أفلام مثل أفلام السبكى التي تعرض عشان يكسب.. طب ما هو ممكن يكسب عن طريق عرض الأفلام اللي ترفع البلد وصورتها أمام العالم عشان كدة مدخلتش أي فيلم.. ولا أنا ولا أولادي.. لأنى محبش إنى أعرض أولادى لأى مشاهد خليعة."

 

ويرى مصطفى عوض (مواطن)، أن الأفلام كلها لا توجد بها قصة واضحة، ويقول: ”لا يوجد فيها فكرة ممكن تخلينى أستفيد منها، بس اللى شدنى رواية الفيل الأزرق لأحمد مراد، بس لما شاهدت الفيلم لقيت حاجة مختلفة تمام عن الرواية اللى قريتها.”

 

يؤكد حديثه محمود عباس (مواطن) فيقول: "أنا شفت فيلم الفيل الأزرق.. مالوش قصة.. وكريم عبد العزيز يظهر في الفيلم بشخصية غير مفهومة.. والقصة غير واضحة.. حتى الأفلام التي لم أشاهدها حكمت عليها من الإعلانات.. حسيت إنها أفلام كلها هايفة.. ولا يوجد بيها مضمون وهما كدة بيوصلوا للعالم إن الشعب المصري دا هايف ومتخلف".

 

أضاف: "المفروض يشوفوا مشاكل الشباب ويعرضوا مشكلتهم.. مع إن شباب مصر كويسين.. ولو الحكومة اهتمت بيهم هيطلع منهم ناس كويسة.. هما كدة بيدوا فكرة للعالم إن شباب مصر هايف.. وحتى المسؤولين والحكومة مشاركين في الغلط.. وفي عرض الأفكار الخطأ للعالم."

 

وقالت منى محمد: "أنا شايفة إن الأفلام دلوقتى.. إما بتقدم كوميدى مش بتفيد المجتمع.. أو أفلام بتعرض البلطجة والسرقة.. مفيش فكرة أنا ممكن أستفيد بيها".

 

وتابعت: "لما بدخل أي فيلم أنا بالنسبة لى هدخل فيلم "جوازة ميرى".. لمجرد الترفيه.. لأنى عارفة لو دخلت مش هطلع بفكرة.. أو حاجة أستفيد منها.. أنا أقتدى بيها أو فكرة أتعلم منها.. نفسى الحكومة تعرض أفلام تعطى فكرة لطفل أو شاب خلال الأفلام تفيده في حياته أو شغله".

اقرأ أيضا:

  • تعليقات فيسبوك
  • اعلان