رئيس التحرير: عادل صبري 10:05 مساءً | الثلاثاء 18 سبتمبر 2018 م | 07 محرم 1440 هـ | الـقـاهـره 36° صافية صافية

بالفيديو.. بلطجية يفرضون 150 جنيها إتاوة على سيرفيس الإسكندرية

بالفيديو.. بلطجية يفرضون 150 جنيها إتاوة على سيرفيس الإسكندرية

أخبار مصر

احد السائقين

وسائقون: "الأمن بياكل"

بالفيديو.. بلطجية يفرضون 150 جنيها إتاوة على سيرفيس الإسكندرية

نورا ناصر 12 يوليو 2014 12:33

انتشرت ظاهرة المواقف العشوائية في أماكن حيوية بوسط القاهرة في ظل انعدام الرقابة وفرض الإتاوات من قبل البلطجية على السائقين تصل إلى 150 جنيها على السيارة الواحدة، وبالتحديد موقف محطة مصر بميدان رمسيس.

يؤكد عم طارق أحد السائقين، أن الموقف الخاص بهم من المفترض أن يكون داخل موقف عبود ولكن المواطنين يفضلون الركوب من ميدان رمسيس، مضيفا أنه لابد من توفير موقف لهم داخل رمسيس، مشيرًا إلى أن بعض البلطجية يتحكمون في السائقين ويفرضون إتاوات تصل إلى 180 جنيها على السيارة الواحدة، موضحا أن معظمهم بلطجية.

وأوضح عم كامل سائق سيرفيس مصر إسكندرية، أن البلطجية يأخذون نصف الأجرة بـ " الذراع " حسب قوله، مضيفا، أنه في حالة الاعتراض يقومون بتكسير زجاج السيارة ويقولون: "مش عاجبك انزل على بلدك" قائلا: "أنا هتكلم مع مين اتخانق مع 50 واحد من البلطجية " مطالبا الحكومة بتوفير مكان لهم داخل ميدان رمسيس وبدل ما تكون الأجرة 32 جنيه هنقللها وتبقى 25 جنيها، وبسؤاله عن دور الأمن في ظل تلك الأحداث علق قائلا: " الأمن بياكل"!

وبدوره قال طلعت زكريا خميس أحد السائقين : "مفيش مكان للعربيات داخل ميدان رمسيس إحنا نقف عشوائيا والبلطجية بياخدوا مننا 200 و150 إتاوة على النقلة الواحدة، أما بالنسبة للأمناء 20 جنيها، امبارح سواق دفع 120 جنيها ومعاه الرخصة ومعاه كل حاجه، لما أدفع كل الفلوس ديه ارجع بيتي بكام لعيالي زيادة البنزين والجاز بيشلها الركاب اللي بيغلى علينا بنزوده في الأجرة ".

ويستكمل طارق حسنين الشهير بـ "طارق طيارة " : "في بلطجية واخدين جراج ملك الدولة بيوقفوا فيه عربيات بياخدوا 180 جنيه على 15 راكب ويعملوا إجمالي اليوم الواحد 20 ألف جنيه مهدورين، طيب فيها لو الحكومة تعمل موقف وتجيب ناس توظفهم... هو دا مش إهدار مال عام، على الأقل الفلوس تعود للدولة مش تروح للبلطجية وبتوع البرشام، يعني البلطجية قدرة توفر مكان والحكومة مش قادرة ".

 

اقرأ أيضا: 

إضراب سائقي سيرفيس المحلة – المنصورة

  • تعليقات فيسبوك
  • اعلان