رئيس التحرير: عادل صبري 01:10 مساءً | السبت 17 نوفمبر 2018 م | 08 ربيع الأول 1440 هـ | الـقـاهـره 26° صافية صافية

بالصور ..أهالى عرب يسار: ننطق الشهادة كلمنا دخلنا بيوتنا

 بالصور ..أهالى عرب يسار: ننطق الشهادة كلمنا دخلنا بيوتنا

أخبار مصر

منطقة عرب يسار

يتوقعون انهيارها في أي لحظة

بالصور ..أهالى عرب يسار: ننطق الشهادة كلمنا دخلنا بيوتنا

نورا ناصر 11 يوليو 2014 10:05

منازل آيلة للسقوط تفتقد أى شرط من شروط الحياة الإنسانية اللائقة يعيش سكانها لحظات من الخوف والرعب فالسلالم متهالكة تشعر بأنها ستنهار بك بمجرد الوقوف عليها، والبيوت من الداخل تشبه الكهوف فجدرانها متشققة وتكاد تسقط على ساكنيها .. إنها منطقة عرب يسار القريبة من قلعة محمد علي.


بالرغم من صدور قرارات إزالة لها لكنها لم تنفذ مما يعد تهديدا حقيقيا لأرواح المواطنين وأصبحت أخبار سقوطها متوقعة فى أى لحظة، وإذا حاول أهالى المنطقة ترميم منازلهم تقوم وزراة الآثار بتحرير محاضر ضدهم، لأنها منطقة أثرية ممنوع البناء فيها.

كاميرا مصر العربية عاشت لحظات الرعب مع أهالى المنطقة للتعرف على معاناتهم.

يقول طه جاد محامى أهالى المنطقة إن عرب يسار بها العديد من المشاكل ولكن الأكثر خطورة البيوت الآيلة للسقوط، موضحا تكرار حوادث انهيار المنازل على سكانها ، منهم من قضى نحبه ومنهم من ينتظر، مضيفا أن الحكومة أصدرت قرارات عديدة بتصريح البناء لأهالى المنطقة، ولكن حين الذهاب إلى محافظة القاهرة لأخذ تصاريح البناء يؤكد المسؤولون أنها منطقة أثرية، وفى حالة الترميم من قبل الأهالى يتم تحرير محضر من الآثار أو الحى يكون الحكم فيها سنة أو عشرة آلاف جنيه غرامة.

ويستكمل طه حديثة قائلا :"المشكلة الثانية تعتبر غياب الأمن من منطقة عرب يسار موضحًا أن المنطقة لها خمسة مداخل، يدخل بعض الناس التى تتصف بالإجرام والبلطجة ولما تحصل مشكلة نتصل بالحكومة ومش بتيجى إلا بعد ما الدبيحة تموت".

 

"أنا عايشة فى أوضة أنا جوزي، وابنى وبنتى خلاص نفسيتنا تعبت" هكذا بدأت عبير كامل جمعة حديثها وتكمل:"نفسي فى شقة إن شاء الله تكون أوضة وحمام ومطبخ مش عايزة حاجة ثانية أنا عايشة السقف هيقع علينا واحنا نايمين.

وتابعت عبير قائلة :"انا بنتى نورهان ذكية وشاطرة بتروح مدرسة فى السيدة عائشة، نفسي بنتى تطلع حاجه كويسة دماغها نضيفة بس مبتعرفشي تذاكر احنا عايشين هنا حجرات فى وش بعضها وزعيق طول اليوم ، أنا متابعة سياسية ومتابعين كل حاجه بس كلهم بيتكلموا مين هيمسك وزير ومين هيبقى رئيس واحنا محدش فاكرنا خالص ".

وفى طريقنا إلى ضريخ الشيخ عبدالله أحد الأماكن الأثرية بالمنطقة استوقفتنا سيدة تمسك بيدها رغيف خبز قائلة :" هو دا العيش اللى احنا بناكله أبو شلن وياريت بنعرف ناكله والله شحتهم امبارح من جارتى علشان نفطر بيهم يعنى حتى رغيف العيش مش لاقيينه " .

وبدورها تقول الحاجه نزهه أنور عندى 61 سنة مطلقة وعندى ولد عنده 16 سنة، حرام، أنا مبقولشي عايزين ناكل ولا نشرب الحمدلله عايزين نقعد فى مكان نظيف يصرحولنا بالتعمير مش نخرب و نخليها جبال ويقولوا ممنوع عرب يسار فيها التصليح أنا واحدة من الناس بنام انا وابنى بنقول يارب يطلع علينا النهار حرام اللى احنا فيه دا مش معايا أدفع ايجار 500 ولا 600 احنا بنقول نعمرها يا أبناء عرب يسار لكن منقعدشي ننتظر الموت فى أى لحظة.

وتابعت نزهة حديثها تعليقا على رفع الدعم قائلة :"ازاى يرفعوا عنا الدعم إحنا الغلابة الدعم هو دا اللى فاتح بيوتنا لحد دلوقتى تموين شهر يوليو مجاش احنا ناس غلابة حرام العيشة ديه حرام حسوا بينا.

 

استوقفت سيدة طاقم مصر العربية أمام حجرة مبنية بالخشب تقول أن مالك الحجرة وزوجته، وابنته سقط عليهم العقار وتوفى فى الحال.

ويقول مالك إحدى الحجرات الخشيبة ويدعى محمد بكرى أنا ارزقى كان عندى ورم فى المخ نزل على صدرى وعندى بنت وولد ومش لاقى آكل وعملت اوضة خشب وقعدت فيها ، وممنوع انى ابنى البيت مرة ثانية نفسي اطمن على عيالى قبل ما اموت انا مش عايز حاجة من الدنيا تانى فى الشتا انا بغرق، ولاد الحلال بياخدوا عيالى ولما المطر يوقف بنرجع تانى وأنا ممنوع اشيل حاجة ثقيلة"


اقرأ أيضًا:

  • تعليقات فيسبوك
  • اعلان