رئيس التحرير: عادل صبري 02:54 صباحاً | الخميس 16 أغسطس 2018 م | 04 ذو الحجة 1439 هـ | الـقـاهـره 37° صافية صافية

في الإسماعيلية.. «الفاكهة» رفاهية ليست من حظ الفقراء

في الإسماعيلية.. «الفاكهة» رفاهية ليست من حظ الفقراء

أخبار مصر

ارتفاع اسعار الفاكهة

في الإسماعيلية.. «الفاكهة» رفاهية ليست من حظ الفقراء

ولاء وحيد 22 يوليو 2018 15:00

شهدت أسعار الفاكهة بأسواق الجملة والقطاعي بالإسماعيلية ارتفاعاً جنونياً، حتى غدت بعيدة المنال عن أيدي الفقراء وبيوت كثير من المواطنين البسطاء.

 

داخل سوق الجمعة بالإسماعيلية كان المشهد بائساً.. بضاعة متراكمة من الفاكهة وإقبال ما بين الضعيف والمحدود مقارنة بالأعوام الماضية ، أقل سعر لكيلو فاكهة الموسم يصل لعشرة جنيهات ويرتفع ليصل لـ50 جنيه للكيلو في بعض الأصناف.

 

 

التجار يؤكدون أن ضعف إنتاجية المحصول وزيادة أسعار النقل والشحن وراء زيادة الأسعار والمواطنون يتهمون التجار بالجشع والحكومة بانعدام الرقابة .

 

العنب هو أقل أنواع الفاكهة في أسعاره التي تبدأ بـ 8 جنيهات وتصل لـ15 جنيهًا للكيلو الواحد فيما وصل سعر كيلو التفاح البلدي لـ10 جنيهات وطرحت المانجو الاسمعلاوي أسعارها لتبدأ من 15 جنيهًا للكيلو وتصل لـ50 جنيهًا في الأصناف الفاخرة.

 

وتقول هناء أحمد موظفة لـ "مصر العربية"، "بطلنا ناكل فاكهة خلاص..الفاكهة بقت من الرفاهيات والكماليات في البيت يكن الاستغناء عنها.. أنا محتاجة 100 جنيه عشان اشتري صنفين فاكهة في البيت.

 

وأوضحت سناء محمود، ربة منزل، لـ "مصر العربية"،  "فاكهة الصيف اللي كانت جوه بيت الفقير والغني خلاص بقت دلوقتي للاغنياء فقط .انا باخد معاش 1450  جنيه ومطلوب مني ادفع ايجار وكهرباء ومواصلات واكل واشرب ..طب منين ؟ كل حاجة في زيادة والدخل زي ماهو".

 

وقال محمد ابو حمادة بائع فاكهة في السوق، لـ "مصر العربية"، "الغلاء علينا احنا كمان ، هو احنا مش عايزين نبيع ؟..اللي كان بياخد 5 كيلو فاكهة بياخد كيلو واحد بس واللي كان بيشتري 2 كيلو مبقاش يشتري .الناس تعبانة واحنا شايفين ده وعايزين نساعدهم بس هنعمل ايه .الفاكهة غالية علينا والتجار بيحملونا زيادة اسعار البنزين واسعار مستلزمات الزراعة وفي الاخر كله بيحمل على الزبون".

 

وعلق سعد حسن بائع مانجو قائلا: "بناخد سعر كيلو المانجة من الفلاح ب 14 جنيهًا، الفلاح رافع السعر لان الانتاج السنة ده ضعيف بعد مرض الهباب الاسود والفلاحين بيحاولوا يعوضوا جزء من خساراتهم واحنا بنتحمل تكلفة النقل اللي زادت 40% بعد العيد ، وبنعرض المانجة الكيلو ب15 و18 و20 والناس ماشية تتفرج على المانجة ومحدش بيشتري .والبضاعة ممكن تبوظ وبنضطر نبيعها بسعرها وممكن نخسر فيها كمان".

 

  • تعليقات فيسبوك
  • اعلان