رئيس التحرير: عادل صبري 08:51 صباحاً | السبت 17 نوفمبر 2018 م | 08 ربيع الأول 1440 هـ | الـقـاهـره 26° صافية صافية

فيديو| لو مرتبط وعايز تفركش.. تقول إيه؟

فيديو| لو مرتبط وعايز تفركش.. تقول إيه؟

أخبار مصر

الشارع المصري

فيديو| لو مرتبط وعايز تفركش.. تقول إيه؟

نهى نجم- منى حسن 03 نوفمبر 2017 15:00

يبتكر الشباب والفتيات أساليب غير تقليدية؛ لإنهاء أي علاقة حب أو خطبة، ويكتفي الطرفان ببضع كلمات لا تأخذ سوى بضع ثواني.  

 

سألت «مصر العربية» الشباب والبنات "لو مرتبط وعايز تفركش تقول إيه؟"، فقال هشام همام "أنا صريح لما ببقى مش عايز أكمل بقولها في وشها أنا مش هكمل زهقت وهي بتعمل بلوك علبى طول من غير تفاهم".

 

وأضاف عمر محمد "بقولها إنت تستاهلي أحسن مني وربنا يوفقك وكل شيء قسمة ونصيب". 

 

بينما الشاب خالد عبد الله، يستخدم طريقة سهلة تخلصه من أعباء الارتباط قائلًا: "بحط رقمها في "البلاك لست" وأعملها بلوك من كل حاجة هو أنا لسه هتعب نفسي وأقولها هسيبك". 

 

أما الفتاة منى عمرو قالت "الراجل لما بيبقى عايز يخلع بيبان أوي يعني ميكلمهاش زي الأول بيتهرب منها على طول، دايمًا يقولها أنا مشغول مش فاضي"، وعلقت مريهان عاصم " أشهر جملة دايما الراجل بيقولها خلى بالك من نفسك والحياة بتستمر صدقيني". 

 

أما عن الأساليب التي تستخدمها البنات كي تخلع من الارتباط وتتخلص من القيود التي يفرضها الرجل المصري عليها قالت الشابة نهى أحمد "بقول له "جالي عريس من الخليج أو ابن خالي اللى عايش في الخليج رجع".

 

وسخرت ماهيتاب علي " انا خلعت كتير وكانت أبرز حاجة بقولها انا مش فاضية دلوقتي وعايزة اركز في مستقبلي وانت بتعطلني اني اوصل لهدفي". 

 

شاهد الفيديو..


  • تعليقات فيسبوك
  • اعلان