رئيس التحرير: عادل صبري 03:29 مساءً | الأحد 22 أكتوبر 2017 م | 01 صفر 1439 هـ | الـقـاهـره 32° صافية صافية

السيسي: "مصر بلدنا وهنحافظ عليها ومحدش هيقدر يأخدها مننا"

السيسي: مصر بلدنا وهنحافظ عليها ومحدش هيقدر يأخدها مننا

أخبار مصر

الرئيس السيسي

السيسي: "مصر بلدنا وهنحافظ عليها ومحدش هيقدر يأخدها مننا"

فادي الصاوي 11 أكتوبر 2017 12:48

أكد الرئيس عبد الفتاح السيسي، أن تصدى القوات المسلحة المصرية للعمليات الإرهابية في سيناء لا يمنع الدولة من تحقيق تنمية حقيقة في سيناء، مضيفا :"مصر بلدنا وهنحافظ عليها ومحدش هيقدر يأخدها مننا ".

 

وأشار السيسي خلال تدشين المرحلة الأولى من العاصمة الإدارية الجديدة اليوم  الأربعاء إلى حرص الدولة على تعمير المنطقة الغربية وحلايب وشلاتين وشرق  وسيناء والعوينات، لأهميتها الاستراتيجية.

 

وأضاف أن الحكومة تقوم بمشروعات كبيرة في الإسماعيلية وبورسعيد والسويس وشمال وجنوب سيناء بتكلفة 150 مليار جنيه.

 

 ولفت إلى أن المساحات الخضراء الموجودة في العاصمة الإدارية يتم تنفيذها بعد الاستفادة من معالجة مياه الصرف الصحي.

 

وتابع: "إحنا عارفين بنعمل ايه، ومستعد أن استمع لكل وجهات النظر لكن يجب أن تكون مبنية على فهم حقيقي".

 

وقال إن استدامة معدل النمو الاقتصادى تعنى عدم التأخر فى هذه الاستدامة، وأن أى تأخر سيسبب مشكلة، متابعا: "بقالنا 7 سنين ما كناش بنتحرك بالشكل المناسب، علاوة على إن كان عندنا تأخير فى السنين اللى فاتت".

 

ووجه السيسى،  حديثه للمصريين قائلا: "عايز أقول لكل المصريين، هل اللى إحنا بنعمله ده كان على حساب حركة الحكومة فى كل الأولويات والمشروعات الأخرى؟ لأ طبعا، أنا هبقى سعيد بأى نقد مدرك وفاهم وعارف، هو حد عاوز يتكلم عن مصر وميزانيتها لـ100 مليون مواطن و100 ألف موضوع، والابن اللى قاعد فى البيت مش عارف أبوه بيجيب الفلوس منين ويصرف عليه إزاى؟".

 

وردا على الانتقادات الموجهه للمشروعات القومية التى تنشأها الحكومة، قال الرئيس السيسى فى حديثه: "ده بيقلل جدا من الجهد اللى بيتعمل، وهيدّى انطباع غير جيد، وكأن الدولة مش عارفة بتعمل إيه، ومستنيين حد يقول لنا خلّوا بالكم من الموضوع ده، ومستعد أسمع بس اللى يكلمنى يبقى فاهم وعارف كويس، وارتباط الموضوع اللى بيتكلم فيه والموضوعات الأخرى، لأنها شبكة مترابطة مع بعضها وكل موضوع يؤثر فى الآخر".

 

واختتم الرئيس عبد الفتاح السيسى حديثه قائلا: "بفضل الله بنعمل دولة ذات شأن، وهتشوفوا، وبعد سنين مش كتير هيبقى فيه ناس تقول يااااااه، قد كده كان كل ده بيتخطط ويتنفذ علشان تبقى بلدنا بالمستوى ده، شكلا ومضمونا".

 

  • تعليقات فيسبوك
  • اعلان